1962 оноос хойш жил бүрийн гуравдугаар сарын 27-ны өдрийг дэлхийн “Театрын өдөр” болгон тэмдэглэж ирсэн уламжлалтай. Дэлхийн өнцөг булан бүрт буй театрын урлагийн уран бүтээлчид хийгээд театрын урлагийн үнэнч үзэгч хэн бүхний баярын өдөр гэхэд болно.
Тиймээс энэ өдөр дэлхийн урлагийн театрууд үзэгчдэдээ тоглолтоороо бэлэг барьдаг уламжлалтай юм. Харин манай улсын хувьд Улсын драмын эрдмийн театраас санаачлан Соёлын салбарын уран бүтээлчдийн дунд “Амьд театр” хэлэлцүүлэг зохион байгуулах юм. Мөн оны шилдэг уран бүтээл, уран бүтээлч шалгаруулах “Мөнгөн мод-2022” хүндэтгэлийн ёслол УДБЭТ-ын тайзнаа болно.
