Прокурорын байгууллага мөрдөн байцаалтын 2,459 хэрэгт хяналт тавьж, 302 хэргийг яллах дүгнэлт үйлдэн шүүхэд шилжүүлж шийдвэрлэжээ. Үүнд эрүүл мэндийн халдашгүй байдлын эсрэг 155, бэлгийн эрх чөлөө, халдашгүй байдлын эсрэг 11, өмчлөх эрхийн эсрэг 114, авлигын 11, хүрээлэн байгаа орчны эсрэг 9, хөдөлгөөний аюулгүй байдал, тээврийн хэрэгслийн ашиглалтын журмын эсрэг 23 хэргийг шүүхэд шилжүүлсэн байна.
Мөн өнгөрсөн долоо хоногт хэрэг хянан шийдвэрлэх ажиллагаанд оролцогчдоос гаргасан 27 гомдол, хүсэлтийг шийдвэрлэжээ. Түүнчлэн мөрдөгч болон зөрчлийн хэрэг бүртгэх эрх бүхий албан тушаалтанд тодорхой ажиллагаа гүйцэтгүүлэхээр 551 даалгавар бичгээр өгсөн байна. Гэмт хэрэг, зөрчил гарахад нөлөөлсөн шалтгаан, нөхцөлийг арилгуулахаар байгууллага, албан тушаалтанд 17 мэдэгдэл, зөрчил шалган шийдвэрлэх, хэрэг бүртгэх, мөрдөн байцаах, ял эдлүүлэх ажиллагааг хэрэгжүүлэх явцад гарсан зөрчил, түүнд нөлөөлсөн шалтгаан, нөхцөлийг арилгуулахаар хяналтын харьяа байгууллагуудад таван шаардлага тус тус бичиж хүргүүлжээ
