Нүүр хуудасМэдээНИЙСЛЭЛ: Чингэлтэй дүүрэгт голын ай сав газрын 85.9 мянган ам.метр талбайг цэвэрлэж,...

НИЙСЛЭЛ: Чингэлтэй дүүрэгт голын ай сав газрын 85.9 мянган ам.метр талбайг цэвэрлэж, 145.5 тонн хог хаягдал тээвэрлэв

Нийслэлийн Засаг даргаас өгсөн үүрэг чиглэлийн дагуу Чингэлтэй дүүргийн нутаг дэвсгэрт төр, хувийн хэвшлийн байгууллагын 70 гаруй ажилтан, албан хаагч, тохижилт үйлчилгээний байгууллагын ажилчид гурван байршилд хуваагдан долоодугаар сарын 24, 25-ны өдрүүдэд голын ай сав, зуслангийн чиглэлд цэвэрлэгээ хийлээ.

Нэгдүгээр байршил: Майхан толгой-2 зуслангаас доош уруудан Шаргаморьтын гүүр хүртэл

Хоёрдугаар байршил: Шаргаморьтын гүүрнээс доош Гоодой ам хүртэл

Гуравдугаар байршил: Гоодой амаас оош Дамбын пост хүртэл буюу голын эрэг дагуу түүвэр цэвэрлэгээний ажлыг хийж гүйцэтгэлээ.

Нийт 85.915 ам.метр талбайг цэвэрлэсэн бөгөөд зуслангийн чиглэлд найман авто машинаар 15 рейсээр 145.5 тонн хог хаягдлыг ачиж тээвэрлэв. Мөн цэвэрлэгээ хийгдэж дууссаны дараа Сэлбэ гол дагуу ай сав газрын нийт 8.8 км урт, 128.000 ам.метр талбайг ариутгаад байна. 

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН