Замын хөдөлгөөний зөрчлийг AI-р илрүүлэх туршилт үргэлжилж байна. Туршилтын хугацаанд иргэдээс ирсэн санал, гомдлыг үндэслэн сайжруулалт, хөгжүүлэлт хийгдэж буйг Замын хөдөлгөөний удирдлагын төвөөс онцолж байна.
НИТХ-ын дарга А.Баяр замын хөдөлгөөнд оролцоогүй байхад, цагдаагийн дохиогоор ороход торгууль бичигдсэн зэрэг иргэдээс ирсэн санал гомдлуудыг туршилтын хугацаанд арилгахыг санууллаа. Мөн торгуулийн мессежийг олон давтамжтай, нотлох баримтын линктэй хамт явуулдаг байх ёстой гэлээ.
