Үндэсний соёлын өвөө өртөөлөн тээж, нүүдэллэн ирж, отоглон буудаллаад буй эрхэм өв тээгчдийн сэтгэл нь баяраар бялхаж, итгэл нь эвээр батжиж, “соёлын өв”-ийн үүцээ задлах эдгээр өдрүүдэд бүх монголчууд та бүхнийгээ хүрэлцэн ирэхийг уриалж байна.
С.Амарсайхан: “Нүүдэлчин” дэлхийн соёлын фестиваль нь соёл түүхийн өв сан, үнэт зүйлсээр дамжуулан үндэсний оюун санааны эв нэгдлийг хангах, язгуур соёл болсон нүүдлийн соёл сэтгэлгээнд суурилсан хөгжлийн бодлоготой улс орон байх, соёлын ялгарлаараа хүлээн зөвшөөрөгдөх үндсийг тавих, соёлын ижилслээрээ дэлхийн улс орнуудтай хамтран хөгжих боломжийг бүрдүүлэх, соёлын аялал жуулчлалын бүс нутаг болох гээд олон талын ач холбогдолтой чухал арга хэмжээ юм.
