“Хайр түгээх Rav 4” 2 аяны хүрээнд “Тоёота-Мөнххада” ХХК-иас Rav 4 автомашин худалдан авсан хэрэглэгчдийн борлуулалтын орлогоос Сонгинохайрхан дүүргийн 13 дугаар хорооны нутаг дэвсгэрт байрлах ерөнхий боловсролын Хөгжил сургуульд шилэн номын сан байгуулж өглөө.
Шилэн номын санд тавиур, ганцаарчилж ном унших хэсэг, ширээ зэрэг хүүхэд ном уншихад таатай бүхий л орчныг бүрдүүлсэн ба 4000 гаруй ном, 2000 гаруй сурах бичгийн фондтой юм. Уг номын сангаар ерөнхий боловсролын Хөгжил сургуулийн 6-12 дугаар ангийн 2200 гаруй хүүхдүүд үйлчлүүлэх юм.
