Дүүргийн Засаг даргын Тамгын газар, Засаг даргын эрхлэх асуудлын хүрээний харьяа, дэргэдэх байгууллагуудын удирдах болон эрх бүхий албан тушаалтнууд, Хороодын Засаг дарга нар, дүүргийн Засаг даргын Тамгын газрын албан хаагчдад авлига, албан тушаалын гэмт хэрэг, ашиг сонирхлын зөрчлөөс урьдчилан сэргийлэх мэдлэг, ойлголтыг нэмэгдүүлэх, энэ төрлийн гэмт хэрэг, зөрчлийн хор уршгийг таниулах зорилгоор өнөөдөр сургалт зохион байгууллаа.
Сургалтаар Авлигатай тэмцэх газрын урьдчилан сэргийлэх, соён гэгээрүүлэх хэлтсийн ажилтан, комиссар М.Жамъянчойжил “Авлига, ашиг сонирхлын зөрчлөөс урьдчилан сэргийлэх нь” сэдвээр мэдээлэл хийж ямар тохиолдолд авлига ашиг, сонирхлын зөрчил үүсэх, эрүүгийн хуулийн 22 дугаар бүлэг, авлигын гэмт хэргийн талаар мэдээлэл өглөө.
Мөн гомдол мэдээллийг авлигатай тэмцэх газарт тусгай 1-110 дугаар, цахимаар, биеэр, шуудангаар өгөх боломжтой талаар хэллээ.
