Коронавирусийн халдвартай, биеийн байдал нэн хүнд байсан нэг хүн нас барсан хэмээн ЭМЯ-наас мэдээллээ.
Тухайн иргэн оношлогдсоноосоо хойш 21 дэх хоног дээрээ эмчлэгдэж байгаад олон эрхтний дутагдал, бөөрний дутагдал, чихрийн шижингийн хүндрэлээр нас баржээ. Ийнхүү манай улсад коронавирусийн улмаас нас барсан нийт хүний тоо 7 боллоо.
Сүүлийн 24 цагт нийт 13269 хүнд шинжилгээ хийхэд 108 хүнээс халдвар илэрлээ. Нийт тохиолдол 3336 болж үүнээс 2588 нь эдгэрсэн байна. Шинээр илэрсэн халдваруудын 3 нь гаднаас зөөвөрлөгдөн орж ирсэн бол 54 нь УДЭТ-аас илэрлээ. Үлдсэн нь халдвар авсан хүмүүсийн ойрын хавьтлуудаас илэрчээ.
