“Архангай аймагт коронавирсийн сэжигтэй тохиолдол бүртгэгдсэн. Тус иргэн БНХАУ-ын Эрээн хотод зорчоод ирсэн хүн бөгөөд эмнэлэг бүрэн тусгаарлан тандалт хийж байгаа гэх мэдээлэл тархсан.
Тэгвэл энэ мэдээллийг албаны эх сурвалж буюу ХӨСҮТ-ийн Тандалт судалгааны албаны дарга А.Амбасэлмаа үгүйсгэж “Энэ сарын эхээр Хонг Конгт зорчоод ирсэн иргэн улирлын томуугаар өвчилсөн* гэлээ.
С.М.Немойн нэрэмжит Архангай аймгийн Нэгдсэн эмнэлгийн албан мэдээлэлд: Архангай аймагт Коронавирусийн сэжигтэй тохиолдол бүртгэж, хүн нас барлаа гэсэн мэдээлэл ташаа мэдээлэл болно. Одоогоор манай эмнэлгийн үйл ажиллагаа хэвийн үргэлжилж байна. Та бүхэн мэдээлэл түгээхдээ нягталж, албаны баттай эх сурвалжаас авч байхыг анхааруулж байна… хэмээн цахим хуудсаар дамжуулан мэдэгдээд байна.
