Сонгинохайрхан дүүргийн 33 дугаар хорооны нутаг дэвсгэрт өнгөрөгч долдугаар сарын 13-ны өдөр болсон байгалийн гамшигт үзэгдлээс болж 19 өрх харамсалтайгаар орон гэргүй болсон.
Эдгээр иргэдийн нийгмийн асуудлыг шийдвэрлэхээр дүүргээс сонгогдсон Хууль зүй, дотоод хэргийн сайд Х. Нямбаатар, УИХ-н гишүүн Б. Жаргалмаа нар болон холбогдох удирдлагууд шуурхай ажиллаж орон гэргүй болсон бүх өрхөд өргөө цагаан гэр бэлэглэсэн.
Дээрх иргэдэд дүүргийн “Монголын Улаан загалмай нийгэмлэг”-ээс хөнжил, гудас, гал тогооны бүрэн хэрэгслийг хандивлаа.
