Нийслэлийн агаарын бохирдлыг бууруулах ажлын хүрээнд гэр хорооллын айл өрх, аж ахуй нэгж байгууллагуудын зуухны бүрэн бүтэн байдал, галлагааны аюулгүй байдал, угаарын хий мэдрэгч төхөөрөмжийн хэвийн ажиллагааг шалгаж заавар зөвлөмж өгөх, судалгаа авахаас гадна агаар бохирдуулагч хориглосон эд зүйлс шатааж буй эсэхэд хяналт шалгалт хийнэ.

Баянзүрх дүүргийн хэмжээнд нийт 1865 ажилтан албан хаагч 50 мянга гаруй айл өрхөөс гадна аж ахуй нэгж байгууллагаас судалгаа авах юм.

Иймд иргэд та бүхнийг нэгдүгээр сарын 18, 19-ний өдрүүдэд явагдах судалгаанд хамрагдан, хамтарч ажиллахыг хүсье.
