2018 оны 3-р сарын 18-ны өдөр явагдсан ОХУ-ын 7 дахь удаагийн Ерөнхийлөгчийн сонгуулийн урьдчилсан дүнг СЕХ танилцуулсаар байна.
Нийт саналын хуудасны 98.59%-ийг тоолж дууссаны дараах байдлаар одоогийн Ерөнхийлөгч Владимир Путин 76.65% санал авснаар итгэл төгс тэргүүлж байгаа юм. Дэлхийн улс гүрнүүдийн төр засгийн тэргүүлэгчид ноён Путинд дөрөв дэх удаагаа ОХУ-ын Ерөнхийлөгчөөр сонгогдсонд нь баяр хүргэж, баярын захидал мэндчилгээ илгээж байна.
В.В.Путины хувьд энэ удаагийн сонгуулийн дүнд нэгэн шинэ дээд амжилт тогтоож байна. Тодруулбал, нийт саналын хуудасны 98.59%-ийг тоолж дууссаны дараах байдлаар түүний төлөө ОХУ-ын 55 сая 13 мянга 955 хүн санал өгчээ.
В.Путины өмнөх гурван удаагийн сонгуульд үзүүлсэн амжилтыг танилцуулъя:
- 2000 онд – 52.94% буюу 39.74 сая санал авчээ,
- 2004 онд – 71.31% буюу 49.56 сая санал авчээ,
- 2012 онд – 63.60% буюу 46.60 сая санал тус тус авсан байна.
Харин энэ жилийн сонгуульд анх удаа 50 сая иргэн сонгогчийн санал авч, нэгэн шинэ дээд амжилт тогтоолоо.
