0 C
Ulaanbaatar
Баа, 07 5 сар 2021 03:35:50
Нүүр хуудас Мэдээ Зудын эрсдэл өндөр аймгын малчдад хүрэх тусламжийн цуваа хөдөллөө

Зудын эрсдэл өндөр аймгын малчдад хүрэх тусламжийн цуваа хөдөллөө

Монголын улаан загалмай нийгэмлэг Олон улсын Улаан загалмай, Улаан хавирган сар нийгэмлэгүүдийн холбоотой хамтран эрсдэл өндөр байгаа Хэнтий, Архангай, Сүхбаатар, Өвөрхангай, Ховд, Говь-Алтай, Булган, Увс аймгийн эмзэг бүлгийн малчдад бэлэн мөнгөний болон малын эрдэс тэжээлийн тусламжийн цуваа өнөөдөр аймгууд руу хөдөллөө.

Тусламжийн хүрээнд эмзэг бүлгийн 1,000 малчин өрхөд тус бүрт 240,000 төгрөгийг тухайн иргэний Хаан банкны дансаар олгосон байна. Малын эрдэс тэжээлийн багцад эрдсийн долооц, амин тун буюу малын нэмэгдэл тэжээл, загасны тос, нүдний тосон түрхлэг, туурайн тос зэрэг зүйлс багтжээ.

 Уг тусламжинд  6 хүртэлх насны 3-аас дээш хүүхэдтэй өрх толгойлсон эцэг эсвэл эх, 60-аас дээш насны харж хандах хүнгүй өндөр настан, Хөгжлийн бэрхшээлтэй иргэнтэй гэр бүл, 16-аас доош насны 5-аас дээш хүүхэдтэй гэр бүл бөгөөд 200 хүртэлх малтай малчин өрх гэсэн шалгуур үзүүлэлтээр  аймгийн Онцгой байдлын газар, Улаан загалмайн хороо хамтарч сонгон шалгаруулсан байна гэж Онцгой байдлын ерөнхий газраас мэдээллээ.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

- Advertisment -

ИХ УНШИГДСАН