Монгол Улсын Төрийн шагналт, Ардын уран зохиолч Сормууниршийн Дашдооровын мэндэлсний 90 жилийн ойд зориулан зарласан “С.Дашдооров судлал” судлал шинжлэлийн улсын II уралдааны дүн гарлаа. Уралдаанд 27 судлаач оролцсоноос дараах бүтээлүүд тэргүүллээ.
Шалгарсан бүтээлүүд:
Тэргүүн байр: Г.БАТСУУРЬ “Сормууниршийн Дашдооров ба Монгол менталитет”
Дэд байр: Д.ӨРНӨХДЭЛГЭР “Дашдооровын яруу найргийг дахин мэдрэхүй”
Гутгаар байр: Б.МӨНХ-ЭРДЭНЭ “С.Дашдооровын хүүрнэл зохиол дахь монгол үндэстний менталитет сэтгэлгээг шинжлэхүй”
Тусгай байр: Г.БАТЖАВХЛАН “Могой ба Шаазгай, “Үрт амьтан дахь археотип чанар”
Тусгай байр: Б.МАРАЛГУА “Зохиолч С.Дашдооровын арван үлгэрийн анхны “Алтан хараацай” шүлгэн үлгэрт хийсэн задлан шинжлэл сэдвээр тус тус байр эзэлж шагналыг гардууллаа.
Шагнал гардуулах ёслолын үеэр мөн С.Дашдооровын бүтээлийн гар бичмэл эхийн болон ном бүтээлийн үзэсгэлэнг олон нийтэд толилууллаа.
