“Улаанбаатар марафон 2025” олон улсын гүйлтийг 10 дахь жилдээ зохион байгуулж байна. Уг марафонд дүүргийн иргэд, аж ахуйн нэгж байгууллагууд идэвхтэй оролцдог ба сүүлийн 4 жилийн марафоны аварга Сонгинохайрхан дүүргээс төрсөн.
Тэгвэл энэ жилийн марафонд дүүргийн 78 байгууллагын 1271 албан хаагчид, иргэд оролцож байна. Дүүргийн төрийн захиргаа, сургууль, цэцэрлэгээс төлөөлөн оролцож байгаа тамирчид 5 км, 10 км, 21 км, 42 км зайд гүйлээ.
Мөн “Улаанбаатар марафон 2025” олон улсын гүйлтийн нээлтээр үлээвэр найрал хөгжмийг хилийн цэргийн 0164 дүгээр ангийн М.Хатанбаатар захирагчтай хамт олон тоглолоо.
