Нүүр хуудасМэдээСүүлийн нэг сарын хугацаанд Монголд оршин суух эрхийг Оросын 220 иргэнд...

Сүүлийн нэг сарын хугацаанд Монголд оршин суух эрхийг Оросын 220 иргэнд олгожээ

Монгол Улсын олон улсын гэрээний дагуу ОХУ-ын иргэд визгүй 30 хоногийн хугацаатайгаар манай улсад ирэх боломжтой байдаг.

Дээрх нөхцөлөөр ирсэн ОХУ-ын иргэдээс есдүгээр сарын 21-нээс аравдугаар сарын 21-ний өдрийн байдлаар 2,681 нь Монголд байх хугацаагаа 30 хоногоор сунгуулжээ.

Мөн 341 иргэн оршин суух зөвшөөрөл хүссэнээс 220-т нь оршин суух зөвшөөрөл олгосныг албаны эх сурвалж мэдээлэв. Түүнчлэн дурдсан хугацаанд ОХУ-ын 5,628 иргэн виз сунгалт, оршин суух зөвшөөрөл зэргийн талаар зөвлөгөө мэдээлэл авсан байна.

Гадаадын иргэний эрх зүйн байдлын тухай хуулийн 19 дүгээр зүйлийн 19.2, Засгийн газрын 2021 оны 192 дугаар тогтоолоор батлагдсан “Монгол Улсын виз олгох журам”-ын 9.1-т заасны дагуу Монгол Улсад түр ирсэн болон иргэд харилцан зорчих нөхцөлийн талаар байгуулсан Монгол Улсын олон улсын гэрээний дагуу нэг удаа сунгадаг

Харин оршин суух зөвшөөрөл авахын тулд “Тухайн улсынхаа нутаг дэвсгэрээр орж ирэхээс өмнө зохих ангиллын визээ авсан байх шаардлагатай. Зохих ангиллынхаа визийг авсныг үндэслэн удаан хугацаагаар оршин суух зөвшөөрөл олгодог” хэмээн Гадаадын Иргэн Харьяатын Газрын дарга Н.Ууганбаяр хэлж байв.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН