Нүүр хуудасМэдээХалиун бугын эвэр түүж хадгалсан, зарж борлуулсан хэргийг шалгаж байна

Халиун бугын эвэр түүж хадгалсан, зарж борлуулсан хэргийг шалгаж байна

Улаан номонд орсон нэн ховор амьтан болох халиун бугын эврийн түүх нэрийдлээр хөөж үргээх, бахардааж алах, эвэр түүхий эдийг худалдаж авах зөрчил Бат-Өлзий, Хайрхандулаан, Бүрд сумдад гарсныг орон нутгийн Байгаль орчны хяналтын улсын байцаагч, Экологийн цагдаа нар илрүүлэн шалгаж байна.

БОАЖ-ын Сайдын 2017 оны А/97 дугаар тушаалаар жил бүрийн 3 дугаар сарын 20-ноос 6 дугаар сарын 10-ны өдөр, 9 дүгээр сарын 20-ны өдрөөс 11 дүгээр сарын 10-ныг хүртэлх хугацаанд байгалийн жамаар унасан бугын ясан эвэр түүх үйл ажиллагааг хориглосон байдаг.

Халиун бугыг хууль бусаар агнавал экологи эдийн засгийн үнэлгээг хоёр дахин нугалан төлүүлж эрүүгийн хариуцлага хүлээлгэнэ.

МУ-ын ЗГ-ын тогтоолоор халиун бугын экологи эдийн засгийн үнэлгээг эр 6.6 сая, эм 7.5 сая төгрөгөөр тогтоосон.

Мөн Бат-Өлзий сум дахь Цагдаагийн хэсгийн Экологийн асуудал хариуцсан алба хаагч 2020 оны 04 дүгээр сарын 02-ны өдөр Бат-Өлзий сумын Өвт 5-р багийн иргэн “Г” өөрийн эзэмшлийн хашаандаа 58 ширхэг бугын эвэр хадгалж байсаныг шалгаж байна.

Эх сурвалж: Өвөрхангай аймгйн цагдаагийн газар

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН