Монгол улсад өндөр хөгжсөн спортын төрлүүдийн нэг олимпын боксын ирээдүйн шилдэг тамирчдыг төрөн гаргах зорилгоор Хан-Уул дүүргийн биеийн тамир спорт хороо, Хан-Уул дүүргийн клубуудын нэгдсэн холбооноос хамтран бага нас өсвөр үеийн боксын аварга шалгаруулах тэмцээнийг зохион байгууллаа. Тэмцээнд Хан-Уул дүүргийн ерөнхий боловсролын 16 сургууль 5 клубын 130 гаруй тамирчин нийт 25 жинд нударга зөрүүлж аваргуудаа тодрууллаа. Тэмцээнд амжилттай оролцсон тамирчид өсвөр үеийн азийн наадам, Азийн аварга шалгаруулах тэмцээн, Монгол туургатны хүүхдийн наадмын сорилт тэмцээнд оролцох эрхтэй болох юм байна.
