-11.9 C
Ulaanbaatar
Дав, 18 10 сар 2021 08:57:40
Нүүр хуудасМэдээХил дагуу 6 сая мод тарина

Хил дагуу 6 сая мод тарина

Хил хамгаалах байгууллага энэ оноос 2023 он хүртэл улсын хилийн дагуу нийт 6 сая мод тарьж ургуулахаар төлөвлөжээ. Эхний ээлжинд Дорнод, Дорноговь, Сүхбаатар аймгийн нутаг дэвсгэрт 645 км газарт мод тарина. Ингэснээр говь хээрийн бүс дэх хилийн анги салбар бүр цэцэрлэгт хүрээлэнтэй болж, анги, салбар, застав бүрийн орчим 500 метр газарт модлог ургамал, бут тарьснаар хил орчмын дагуу хилийн шугамаас 10-20 км-т 15 метр өргөнтэй ногоон байгууламж бий болох аж.

Дээрх ажлыг тав таван жилээр төлөвлөн эхний ээлжинд модоо тарьж арчлан ногоон хэрэм байгуулж холбох байдлаар үргэлжлүүлэн хийнэ. Ингэхдээ мэргэжлийн агрономичийн тоог нэмэгдүүлж, анги, салбарын байрлалыг түшиглэн мод үржүүлэх газартай болж, мэргэжлийн байгууллага, эрдэмтдийн зөвлөгөөг аван ажлаа эхлээд байгаа талаар ХХЕГ-аас мэдээлж байна.

Жил бүр төлөвлөн хийх учир хил хамгаалах үйл ажиллагаанд саад болж сөрөг нөлөөлөхгүй болохгүйг мэдэгдлээ.

Хилийн цэргийн анги, салбарууд жил бүр мод тарьдаг уламжлалын дагуу энэ жил 5 мянга орчим суулгац тариалаад байна.

Хилийн дагуу эхлээд худаг, булаг шанд говийн бүрд байгаа газар мод, бутлаг ургамал тарьж байна. Ховд, Говь-Алтай, Баянхонгор, Өмнөговь, Дорноговь аймгийн хил орчмоор 110 гаруй булаг шанд байна.     

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

- Advertisment -

ИХ УНШИГДСАН