Шүүхийн шийдвэр гүйцэтгэх ерөнхий газрын харьяа Налайх, Багахангай дүүрэг дэх Шүүхийн шийдвэр гүйцэтгэх хэлтэс Хорихоос өөр төрлийн ял, албадлагын арга хэмжээ авагдсан этгээдүүдэд ял эдэлж эхэлсэн болон дуусах хугацаа, шагналын хоног, цахим бугуйвчны төлбөр төлөх дансны мэдээлэл зэргийг түргэн шуурхай хүргэх зорилгоор https://wangodsomething.github.io/Webpage/ цахим хуудсыг шинээр нээсэн байна.
Мөн тус дүүргийн Прокурорын газартай хамтран Эрүүгийн хууль, Шүүхийн шийдвэр гүйцэтгэх тухай хуульд заасан торгох, нийтэд тустай ажил хийлгэх болон зорчих эрхийг хязгаарлах ялын эрх зүйн мэдээлэлтэй танилцах QR бүхий картыг үйл ажиллагаандаа нэвтрүүлжээ.
