Нийслэлчүүдийн махны хэрэгцээгээ хангахаар голчлон үйлчлүүлдэг “Хүчит шонхор”, “Дэнжийн 1000” захын чиглэлд замын хөдөлгөөний ачаалал эрс нэмэгдэж түгжрэл үүсээд байна. Энэ нь хүнсээ нөөцлөх гэсэн иргэдээс цуваа хүнсний захуудруу чиглэсэнээс үүдсэн бололтой.
Тиймээс замын хөдөлгөөний ачаалал түгжрэлийг бууруулах үүднээс “Хүчит шонхор” худалдааны төвөөс “Судалт төв”-ийн уулзвар хүртэлх автозамын хөдөлгөөнийг нэг чигийн хөдөлгөөнд оруулсан гэж ТЦА-наас мэдээллээ.
Тус чиглэлд даваа гарагаас эхлэн ачаалал нэмэгдсэн бөгөөд замын хөдөлгөөний ачаалал бууртал нэг чигийн хөдөлгөөнийг хэвээр байлгахаар зохицуулалт хийжээ.