Цусны даралт гэж юу вэ?
Зүрх өөрт орж ирсэн хүчилтөрөгчөөр баялаг цусыг эд эрхтэнд түгээхээр, эд эрхтэнээс нүүрсхүчлээр баялаг цусыг уушгинд хүргэж дахин хүчилтөрөгчөөр баялаг цусыг хүлээн авч байдаг. Энэ зүрхний шахах үйлдлээр цус урсаж байгаа бөгөөд шахагдсан цус судасны ханад үзүүлж байгаа хүчийг цусны даралт гэж нэрлэдэг.
Цусны даралтыг тусгай мм мөнгөн усны баганын /мм муб/ хэмжээгээр хэмждэг. Эхний тоо нь их тоо бөгөөд зүрх цус шахах, дараагийн тоо нь бага тоо байх ба зүрх сулрах үеийн хэмжигдэхүүн юм.
Даралтыг бид даралтын аппаратаар хэмжинэ. Энэ механик болон автомат байдаг.
Цусны даралтын хэмжээ
Дээд даралтын хэмжээ
Доод даралтын хэмжээ
120 >
80>
Хамгийн тохиромжтой
120-129
80-84
Хэвийн түвшин
130-139
85-89
Хэвийн хамгийн дээд түвшинд байна
Даралт ихсэлттэй
140-159
90-99
Даралт ихсэлтийн 1-р зэрэг
160-179
100-109
Даралт ихсэлтийн 2-р зэрэг
180 ба <
110ба <
Даралт ихсэлтийн 3-р зэрэг
Даралт 140/90 мм муб-наас дээш бол мөн даралт бууруулах эм хэрэлэдэг бол даралт ихсэлттэй гэж үздэг. Даралт ихсэх шалтгаан нь бидний амьдралын хэв маяг болон биед байгаа өвчлөлөөс шалтгаалан үүсч болно. Биеийн өвчлөл гэдэгт хамгийн түгээмэл нь бөөрний эмгэг, чихрийн шижин …
Даралт ихсэх эрсдэл хүчин зүйл:
Нас: эр 55<, эм 65<
Удамшил – энэ нь голчлон тухайн айлын амьдралын хэв маягтай холбоотой байдаг. Хоол хүнсний сонгол, хооллолтын онцлог болон өртдөг эмгэгүүдийг /чихрийн шижин, бөөрний эмгэгүүд/ анхааран авч үздэг.
Буруу хооллолт
Давсны хэрэглээ их
Хөдөлгөөний хомсдол
цусан дахь муу өөх тосны хэмжээ их байх
Архи хэрэглэдэг
Тамхины хэрэглэдэг
Стресс
Шинж тэмдэг:
Юуны түрүүнд ямар ч шинж тэмдэг илрэхгүй байж болно. ялангуяа харвалтаар өвдсан хүмүүсийн 80 орчим хувь нь даралт ихсалттэйгээ мэдэхгүй, эмээ тогтмол ууддаггүйтэй холбоотой байдаг. Ихэвчлэн илрэх шинж нь толгой өвдөх, хүзүү хөших, нүд эрээлжлэх, хараа муудах, толгой эргэх,чих шуугих,нойр хулжих,ядрамтгай болох, зүрх хөндүүрлэх, зүрхээр хатгуулж өвдөх шинж илэрч болно.
Авах арга хэмжээ:
Хамгийн түрүүнд даралт ихэсгэж байгаа үндсэн шалтгааныг арилгах хэрэгтэй.
Эхний ээлжинд давсыг хэрэглэхийг зогсоо. Цайг огт давсгүй уух. Давсгүй уухад хэцүү бол цайны хужир хэрэглэж болно. Хоолонд давс орлуулах бүтээгдэхүүн хэрэглэ. Үүнд: лимон, цагаан гаа, сармис зэргийг хэрэглэх. Хоолонд амьтны гаралтай өөх тосыг хязгаарла.
Архи, тамхинаас татгалзах
Биеийн жинг хэвийн болгох, идэвхтэй дасгал хөдөлгөөн хийх. өдөр идэвхитэй хөдөлгөөн хийгээд л шууд үр дүн гаргахыг хүсдэг. Тэгтэл хэдий хугацаанд жин нэмсэн тэр хугацааны турш та хичээл зүтгэл гаргаж хөдөлмөрлөх хэрэгтэй. Сард 2-3 кг-ыг аажим хаях нь эрүүл мэндэд тустай бөгөөд эргээд жин нэмэгдэх магадлал багатай байдаг.
