МУИС-ийн ШУС-ийн Математикийн тэнхимийн багш, доктор Ж.Даваадулам болон Хэрэглээний статистик, Хэрэглээний математикийн 2, 3 дугаар ангийн оюутнууд Үндэсний Статистикийн Хорооны үйл ажиллагаатай танилцлаа.
Энэ үеэр Үндэсний Статистикийн Хорооны дарга Б.Батдаваа статистикийн байгууллагын үйл ажиллагаа, шинэчлэл, салбарын цаашдын боломж, сорилтын талаар багш, оюутнуудад мэдээлэл танилцуулсан юм. Мөн ҮСХ-ны Олон нийттэй харилцах ажилтан Ж.Золбаяр “Статистикийн мэдээллийн нэгдсэн сан, түүний хэрэглээ, ач холбогдол”-ын талаар мэдээлэл өгөв.
Энэ үеэр ҮСХ-ны Хөдөө аж ахуй, байгаль орчин, үйлдвэрлэлийн статистикийн хэлтсийн дарга Э.Мягмарханд, Хүн ам, орон сууцны тооллогын хэлтсийн дарга О.Мандахзориг, тус хэлтсийн статистикч Б.Энхжаргал нар оюутнуудын сонирхсон асуултад хариулсан юм. Оюутнуудын зүгээс онол, практикийн ялгаа, статистикийн салбарын шинэчлэл, дата өгөгдлийн салбарын ирээдүй, сорилт боломжоос гадна түүвэр болон нарийвчилсан судалгаа хийх талаар, түүнийг практикт хэрхэн ашиглах талаар голчлон асууж байлаа.
