“Эрдэнэс Алт Ресурс” ХХК-ийн Хувьцаа эзэмшигчдийн ээлжит хурал болж, компанийн 2019 оны үйл ажиллагаа болон санхүүгийн тайланд хийсэн хөндлөнгийн аудитын дүгнэлтийг хэлэлцлээ. Энэ удаагийн Хувьцаа эзэмшигчдийн хурлыг “Эрдэнэс Монгол” ХХК-ийн Стратеги, төлөвлөлт хариуцсан дэд захирал Э.Дөлгөөн даргаллаа.
“Эрдэнэс Алт Ресурс” ХХК нь 2019 оны төлөвлөсөн ажлаа хангалттай биелүүлж байгууллагын санхүүгийн үйл ажиллагаанд хийсэн хөндлөнгийн аудитын байгууллагаас зөрчилгүй дүгнэлт авсан байна. Тус компани нь Монгол Улсын анхны Алт цэвэршүүлэх үйлдвэрийн Техник эдийн засгийн үндэслэлийг боловсруусан бөгөөд үйлдвэрийн бүтээн байгуулалтын ажлыг эхлүүлэхэд шаардлагатай нэмэлт судалгааны ажлыг дуусгасан байна.
