Сүхбаатарын талбай дээр дөнгөж сая нэгэн иргэн өөрийгөө шатааж амиа алдлаа.
Эмнэлгийн анхан шатны тусламж үзүүлсэн эмчийн мэдээлснээр хохирогч 1987 онд төрсөн. 34 настай эрэгтэй хүн. Эмнэлгийн баг ирэхэд амьсгал хураасан байжээ.
Гэрчүүдийн хэлж байгаагаар тухайн иргэн өөр дээрээ 5 литрын бинзен асгаж ” та нар намайг хараарай, бүгд намайг хар” гэж хашгираад өөрийгөө шатаажээ.
Өөрийгөө шатааж амиа хохироосон иргэн чухам ямар шалтгаанаар ийм үйлдэл хийснийг эргэн мэдээлэх болно.
Яг одоо МУ-ын ерөнхийлөгчийн зарлигаар төрийн шагнал хүртсэн хүмүүсийн шагнал гардуулах ажиллагаа болж байгаа бөгөөд талбай дээр баяр хүргэхээр олон хүн цугласан энэ үед ийм хэрэг болжээ.
