Нээлтийн үйл ажиллагааг хоёр өдөр зохион байгуулсан бөгөөд эхний өдөр цугларах дохиогоор ажиллаж, жагсаалын үзлэг болон ёс зүйн андгай давтаж, цэргийн цол олгох үйл ажиллагааг явууллаа.
Хоёр дахь өдөр бие бүрэлдэхүүнд ангийн захирагч хурандаа Ч.Буянзаяа “Орчин үеийн дайн түүний шинж чанар, хэтийн төлөв”, штабын дарга дэд хурандаа П.Аззаяа “Дроны аюул, түүний эсрэг тэмцэх арга замууд”, ангийн ахлагч тэргүүн ахлагч М.Батмөнх “Бэлэн байдлыг дээшлүүлэхэд ахлагчийн бүрэлдэхүүний үүрэг оролцоо манлайлал” сэдвүүдээр тус тус илтгэл танилцуулсан бол зочин илтгэгчээр Доктор профессор хурандаа Ч.Эрдэнэчулуун “Удирдлагын манлайлал” сэдвээр илтгэж, “Менежмент, менежментийн психологи”, “Сайнаас агууд дэвшихүй”, “Сэтгэл хөдлөлийн чадамж” зэрэг номуудыг ангийн номын санд бэлэглэсэн юм.
Мөн Б.Даваа-Очир захирагчтай Зэвсэгт хүчний 120-р анги, Ү.Уянгасайхан захирагчтай Зэвсэгт хүчний 326-р ангиудын үйл ажиллагаатай танилцаж харилцан туршлага солилцлоо.
