-6 C
Ulaanbaatar
Ням, 07 3 сар 2021 23:45:32
Нүүр хуудас Мэдээ Дугуйчин Б.Марал-Эрдэнэ ОУ-ын тэмцээний ээлжит түрүүгээ хүртлээ

Дугуйчин Б.Марал-Эрдэнэ ОУ-ын тэмцээний ээлжит түрүүгээ хүртлээ

Олон улсын дугуйн холбоо (UCI)-ны хуваарьт багтдаг 2019 оны Азийн тур цуврал уралдаанууд өндөрлөх шатандаа ороод байна. Индонез улсад Азийн тур цуврал уралдааны ээлжит гараа болох International Tour de Banyuwangi Ijen уралдааны эхний гараа өчигдөр /2019.09.25/ явагдаж, манай улсын дугуйчин Батмөнхийн Марал-Эрдэнэ тэргүүн байр эзэлжээ.

Genteng – Banyuwangi хооронд 133.2 км-н зайд болсон тус уралдаанд Б.Марал-Эрдэнэ 3 цаг 3 мин 36 сек-н амжилтаар тэргүүн байр эзэлсэн байна. Дөрвөн гараатай тус уралдааны эхний өдөр 90 дугуйчин өрсөлдөж, манай тамирчин ийнхүү тэргүүн байр эзлэн тэргүүлэгчийн шар цамцны эзэн болжээ. Өнөөдөр /2019.09.26/ уралдааны хоёр дахь гараа 148.2 км-н зайд явагдана.

Монгол Улсын нэрт дугуйчин Ж.Өлзий-Орших агсны шавь ОУХМ Б.Марал-Эрдэнэ Хөвсгөл аймгийн уугуул бөгөөд Азийн оюутны АШТ-ээс хүрэл, багийн алтан медаль, 2016 онд залуучуудын ААШТ-ээс хувийн гараанд алтан медаль хүртэж байсан шилдэг дугуйчин юм. Өдгөө Малайз улсын “Terengganu Cycling Team” багийн өмнөөс уралдаж байна. Б.Марал-Эрдэний харьяалагддаг “Terengganu Cycling Team” баг энэ оны Азийн тур цуврал уралдаануудаас 2 уралдаанд нийлбэр дүнгээр тэргүүн байр эзлээд байна.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

- Advertisment -

ИХ УНШИГДСАН