Нүүр хуудасМэдээОРОН НУТГИЙН ИРГЭДИЙГ НИЙСЛЭЛЭЭС ГАРГАЖ ЭХЭЛЛЭЭ

ОРОН НУТГИЙН ИРГЭДИЙГ НИЙСЛЭЛЭЭС ГАРГАЖ ЭХЭЛЛЭЭ


Хот хоорондын нийтийн тээврийн тусгай үүргийн тээвэрлэлт өнөөдөр 08:00 цагт эхэллээ. Харин хувийн автомашинаар гарах иргэд 06:00 цагаас эхлэн хот хоорондын зорчих хөдөлгөөнд оролцож байна.

16 цагийн байдлаар 51 чиглэлд 41 тээврийн хэрэгслээр 1362 зорчигч, Улаанбаатар хотоос орон нутаг, орон нутгаас Улаанбаатар чиглэлд зорчиж байна.

Бэлтгэл ажлыг хангаж 7 байгууллагын 800 гаруй албан хаагч 24 цагаар тусгай үүргийн тээвэрлэлт хийгдэх автобуудлуудын гадна талбай, зогсоолыг халдвар хамгааллын дэглэмийн хүрээнд тусгаарлах зурвас үүсгэн ариутгал халдваргүйжүүлэлт болон зохион байгуулалтын бусад ажлыг хийж ажиллаж байна.

Иргэдийг нэвтрүүлэх ажлыг Драгон, Лавай, Тэнгэр авто буудлууд дээр тус тус зохион байгуулж байна.
Орон нутгийн иргэдийг буцаах, нэвтрүүлэх ажлыг УОК-оос өгсөн чиглэлийн дагуу ажлын хэсэг, нийслэл, аймгийн онцгой комисс, ЗДТГ хамтран зохион байгуулж байна.

“Ковид 19” вирусын тархалт голомтлон гарсан Сэлэнгэ, Дархан-Уул, Орхон, Говьсүмбэр, Дорноговь, Архангай, мөн стратегийн гол ордууд байрлаж байгаа Өмнөговь аймгийн иргэд, их дээд сургуулийн оюутнуудыг дараагийн ээлжид үе шаттайгаар зохион байгуулж зорчуулах ажлыг хийнэ.

Монгол Улсын Шадар сайдын Ажлын алба

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН