Сонгинохайрхан дүүргийн хэмжээнд иргэдийн эрүүл, аюулгүй, цэвэр орчинд амьдрах нөхцөлийг бүрдүүлэх, харшил үүсгэгч ургамлын тархалтыг бууруулах зорилгоор нийтийн эзэмшлийн зам, талбайд ургасан шарилж, лууль устгах ажлыг үе шаттайгаар зохион байгуулж байна.
Ажлын хүрээнд хороод, холбогдох байгууллагууд болон иргэдийн бүлэг хамтран гол гудамж, зам дагуу, ногоон байгууламж, сул шороон талбай болон нийтийн эзэмшлийн бусад хэсэгт ургасан шарилж, лууль зэргийг гар аргаар болон шаардлагатай техник хэрэгслийн тусламжтайгаар устган, орчны цэвэрлэгээг хийж байна.
Цаашид уг ажлыг тогтмол үргэлжлүүлэн хэрэгжүүлж, иргэд, ААНБ-ууд өөрийн эзэмшилийг газрын шарилж, лууль болон хог хаягдлыг тухай бүр цэвэрлэн, эрүүл, цэвэр орчныг бүрдүүлэхэд идэвхтэй оролцохыг уриалж байна.
