Аж ахуйн нэгжийн 2022 оны татварын буцаан олголт болох 55.2 тэрбум төгрөгийг ААН-үүдэд шилжүүллээ.
Татварын багц хуулийн шинэчлэл татвар төлөгчдөд олон давуу талыг бий болгосны нэг нь нийт татвар төлөгч аж ахуйн нэгжүүд ААНОАТ-ыг 1%-аар төлдөг болсон.
- 300 хүртэлх сая төгрөгийн борлуулалтын орлоготой ААН шууд 1% -аар татвар төлнө
- 300 саяас 1,5 тэрбум төгрөгийн борлуулалтын орлоготой ААН 10%-аар татвараа төлөөд төлсөн татварынхаа 90% -ийг буцаан авдаг болсон.
Мөн алс зайн хөнгөлөлт, тусгайлан дэмжих салбарт үйл ажиллагаа явуулсны хөнгөлөлт, Хөгжлийн бэрхшээлтэй иргэнд ажил олгосны хөнгөлөлт зэрэг бусад хөнгөлөлтүүдийг татвар төлөгчид эдэлж байна.
Буцаан олголт авах татвар төлөгчдийн тоо, буцаан авах дүн жил бүр өсөж байгаа нь татвар төлөгчдийн хуулийн мэдлэг сайжирч, татварын хууль тогтоомжийн мөрдөлт сайжирч байгааг илгэж байгаа эерэг үзүүлэлт юм.
