Нүүр хуудасМэдээТомуугийн өвчлөлөөр өвчлөгсдийн ихэнх нь 15 хүртэлх насныхан байна

Томуугийн өвчлөлөөр өвчлөгсдийн ихэнх нь 15 хүртэлх насныхан байна

 ХӨСҮТ-ийн мэдээлснээр, улирлын томуу, томуугийн цар тахлын хүндрэлийн үнэлгээгээр томуу, томуу төст өвчин улсын хэмжээнд идэвхжлийн түвшинд байна.

Өмнөх долоо хоногийнхтой харьцуулахад Говьсүмбэр аймаг идэвхжлийн түвшнээс алаг цоог дэгдэлтийн түвшинд, Дорноговь, Дундговь, Өмнөговь аймгууд улирал хоорондын түвшнээс идэвхжлийн түвшинд шилжжээ.

Томуу, томуу төст өвчнөөр өвчлөгсдийн 87.6 хувийг 15 хүртэлх насныхан эзэлж байна. Үүнээс 60.3 хувь нь 4 хүртэлх насныханд бүртгэгджээ. Өмнөх долоо хоногийнхтой харьцуулахад өвчлөл 5-9 хүртэлх насанд 1.4 хувиар нэмэгдэж, бусад насны бүлэгт 0.2-0.7 хувиар тус тус буурсан байна.

Харин амьсгалын замын цочмог халдварын шалтгаант эмнэлэгт хэвтэгсдийн 91.4 хувь нь 15 хүртэлх насныхан байна. Үүнээс 78.9 хувь нь 4 хүртэлх насныхан эзэлж, өмнөх долоо хоногийнхтой харьцуулахад 1 хүртэлх насны хүүхдүүдийн өвчлөл 2.7 хувиар буурч, 1-9 хүртэлх насанд 4.3 хувиар нэмэгдсэн байна.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН