Нүүр хуудасМэдээУИХ-ын дарга Г.Занданшатар АХБ-ны Зүүн Азийн газрын ерөнхий захирлыг хүлээн авч уулзлаа

УИХ-ын дарга Г.Занданшатар АХБ-ны Зүүн Азийн газрын ерөнхий захирлыг хүлээн авч уулзлаа

УИХ-ын дарга Г.Занданшатар өнөөдөр Азийн хөгжлийн банкны Зүүн Азийн газрын ерөнхий захирал, хатагтай М.Тереза Хо тэргүүтэй төлөөлөгчдийг хүлээн авч уулзлаа.

Уулзалтаар талууд Монгол Улс, Азийн хөгжлийн банкны хамтран хэрэгжүүлж буй төсөл, хөтөлбөрүүдийн явц байдал болон ногоон эдийн засгийг дэмжих хөрөнгө оруулалтыг татах, тогтвортой хөгжлийг эрчимжүүлэх, уур амьсгалын өөрчлөлт, цөлжилттэй тэмцэх төсөл, хөтөлбөрийг хэрэгжүүлэх боломжийн талаар ярилцаж, санал солилцлоо.

Хатагтай М.Тереса Хо УИХ-ын даргыг цаг зав гарган хүлээн авч уулзаж байгаад талархал илэрхийлэв. Тэрбээр Азийн хөгжлийн банкнаас хэрэгжүүлэхээр төлөвлөсөн зарим төсөл, хөтөлбөрийн үйл явцыг эрчимжүүлэх шаардлагатай байгааг тэмдэглээд УИХ-ын зүгээс дэмжиж ажиллахыг хүсэв.

УИХ-ын дарга Г.Занданшатар хоёр талын хамтын ажиллагааг эрчимжүүлэх хууль, эрх зүйн орчныг бүрдүүлэхийн төлөө парламентаас бүхий л талаар дэмжин ажиллахаа илэрхийлсэн юм. Мөн УИХ-аас эдийн засгийг сэргээх, хувийн хэвшлийг дэмжих, хүнсний хангамж, аюулгүй байдлыг хангах чиглэлд онцгой анхаарч ажиллаж байгааг дурдаад Азийн хөгжлийн банктай ногоон эдийн засгийг дэмжих хөрөнгө оруулалтыг татах, аялал жуулчлал, хүнсний хангамж, аюулгүй байдал, хөдөө аж ахуй, эрчим хүчний салбарын үр дүнтэй хамтын ажиллагааг өргөжүүлэх талаар саналаа илэрхийлсэн.

Уулзалтад УИХ-ын гишүүн, Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд Х.Болорчулуун, Азийн хөгжлийн банкны Монгол Улс дахь Суурин төлөөлөгч Павит Рамачандран болон албаны бусад хүмүүс оролцлоо.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН