Нүүр хуудасМэдээЭх, хүүхдийн эрүүл мэндэд Люксембург улс 5 сая еврогийн буцалтгүй тусламжийг олгоно

Эх, хүүхдийн эрүүл мэндэд Люксембург улс 5 сая еврогийн буцалтгүй тусламжийг олгоно

Монгол Улсаас Люксембургийн Их Гүнт Улсад суугаа Элчин сайд Л.Болд тус улсын Хөгжлийн хамтын ажиллагаа, хүмүүнлэгийн сайд бөгөөд Эдийн засгийн сайд Ф.Фаё-тай Люксембург хотноо 2022 оны 10 дугаар сарын 13-ны өдөр уулзжээ.

Уулзалтаар сайд Ф.Фаёгийн Монгол Улсад 2022 оны 7 дугаар сард хийсэн айлчлалын мөрөөр хэрэгжүүлэх ажлуудын талаар санал солилцсон байна.

Сайд Ф.Фаё манай улсад хийсэн айлчлалынхаа үеэр Люксембургийн Засгийн газраас Монгол Улсын эрүүл мэндийн салбарт олгосон нийт 10,0 сая еврогийн буцалтгүй тусламжийн баримт бичгүүдэд гарын үсэг зурсан юм. Энэ удаагийн уулзалтаар манай улсад дахин 5,0 сая еврогийн буцалтгүй тусламжийг эх, хүүхдийн эрүүл мэндийг хамгаалахад зориулж олгох болсноо сайд Ф.Фаё илэрхийлж, санхүүжилтийн баримт бичиг батлагдах шатандаа байгааг мэдээлэв.

Мөн дээрх айлчлалын үеэр талуудаас тавьсан саналын дагуу эрүүл мэндийн салбарт Монгол Улс, Бүгд Найрамдах Ардчилсан Лаос Ард Улс, Люксембургийн Их Гүнт Улс хоорондын гурван талт хамтын ажиллагааг хөгжүүлэх, логистик, карго үйлчилгээний чиглэлээр хамтрах боломжийг эрэлхийлж ажиллахын чухлыг тэмдэглэв.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН