Нүүр хуудасМэдээБаянхошуу дэд төвийн 6.8км авто замын бүтээн байгуулалтын ажил бүрэн дууслаа

Баянхошуу дэд төвийн 6.8км авто замын бүтээн байгуулалтын ажил бүрэн дууслаа

Азийн хөгжлийн банкны дэмжлэгээр хэрэгжиж байгаа төслийн хүрээнд Баянхошуу дэд төвийн 6.8 км авто замын бүтээн байгуулалт бүрэн дууслаа.

Энэхүү бүрэн тохижилттой бүтээн байгуулалтын эхний хэсэг болох 3.4 км замыг хүлээж авах арга хэмжээ 9-р хорооны нутаг дэвсгэрт боллоо.Арга хэмжээнд Улаанбаатар хотын гэр хорооллыг хөгжүүлэх хөрөнгө оруулалтыг дэмжих хөтөлбөр төслийн зохицуулагч Д.Авирмэд, Сонгинохайрхан дүүргийн Засаг дарга Н.Алтаншагай, 9-р хорооны Засаг дарга Л.Бямбадорж болон тус хорооны иргэд, гүйцэтгэгч компанийн төлөөллүүд оролцов.

Тус замын өргөн 20 метр, дөрвөн эгнээтэй, ус зайлуулах систем зэрэг тохижилтыг бүрэн гүйцэтгэсэн. Мөн хороон дундах зарим авто замууд найман метрийн өргөнтэй ба хоёр эгнээтэй.

Уг авто замын бүтээн байгуулалт бүрэн дууссанаар Баянхошуу дэд төвд барьсан сургууль, цэцэрлэг, инженерийн шугам сүлжээг иргэдэд хүртээмжтэй байнгын ашиглалттай байлгах боломж бүрдэж байна.Мөн дүүргийн нутаг дэвсгэрийн хэмжээнд 2019-2021 онд 18 байршилд 22.8 км авто зам ашиглалтад орж Улсын комисс хүлээж авсан. Гэр хорооллын шороон замыг хатуу хучилттай авто зам болгосноор орчны бохирдол буурч, иргэдийн амьдрах орчин сайжрахаас гадна томоохон уулзвар замуудын ачаалал багасах зэрэг олон ач холбогдолтой юм. #ЗӨВ_СОНГИНОХАЙРХАНЧУУД#ЗАМ_ДАГАЖ_ХӨГЖИЛ_ОЙРТОНО

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН