Монгол Улсад сүүлийн таван жилд цахим залилангийн гэмт хэрэг 296 хувиар нэмэгдсэн байна. Цахим орчинд үйлдэгдэж буй залилах гэмт хэргийн 89.8 хувь нь иргэдийн банк болон дансны мэдээллийг ашиглан үйлдэгдэж байгаа аж.
Тухайлбал, сүүлийн үед арилжааны банкнуудын нэр, логог ашиглан “700,000 төгрөгийн урамшуулал аваарай”, судалгаа, хонжвор зэрэг нэртэй постуудыг цахим орчинд байршуулж, иргэдийг хуурамч холбоос дээр даруулах замаар хувийн мэдээллийг нь авах тохиолдол нэмэгдэж байна.
Иймд Цагдаагийн байгууллагаас дараах зөвлөмжийг өгч байна: сэжигтэй холбоос болон пост дээр дарахгүй байх; интернэт банкны нэвтрэх нэр, нууц үг, банкны картын мэдээлэл болон OTP кодыг хэнд ч өгөхгүй байх; цахим хуудасны хаягийг сайтар шалгах; зөвхөн албан ёсны аппликэйшн болон цахим хуудаснаас үйлчилгээ авах; мөн мэдээллийг баталгаатай эх сурвалжаас тодруулахыг анхааруулж байна.
