Жил бүр Монгол улс, БНСУ-ын Засгийн газрын хооронд Агаарын харилцааны хэлэлцээрийг хийж өргөжүүлэх, боломж нөхцөлийг нэмэгдүүлж байгаа бөгөөд 2024 оны 02-р сард сүүлийн хэлэлцээ, уулзалт болсон юм.
2024 оны олон улсын зуны тогтмол нислэгийн цагийн хуваарьт тусгагдсан БНСУ-ын чиглэл, давтамж /2024.03.31-2024.10.27/
| № | Чиглэл | Долоо хоногт нислэг гүйцэтгэх Давтамж | Агаарын тээвэрлэгч | Агаарын тээвэрлэгчийн давтамж /max/ |
| 1 | Сөүл | Зорчигч тээвэр /2023 онд 38/ 2024 онд 54 | МИАТ | 23 |
| Аэромонголиа | 5 | |||
| Кореан Эйр | 8 | |||
| Ашиана Эйрлайнс | 5 | |||
| Жежү Эйр | 7 | |||
| Твэй Эйр | 4 | |||
| Ачаа тээвэр 1 | Эйр Инчеон | 1 | ||
| 2 | Бусан | /2023 онд 6/ 2024 онд 11 | МИАТ | 4 |
| Изинис Эйрвэйз | 2 | |||
| Эйр бусан | 2 | |||
| Жежү Эйр | 3 | |||
| 3 | Чонжу | 4 | Изинис Эйрвэйз | 2 |
| Аэро К | 2 | |||
| 4 | Дэгү | 3 | Твэй Эйр | 3 |
Зуны оргил ачааллын үед Сөүл чиглэлд 2023 онд Монголын талаас 2 агаарын тээвэрлэгч, Солонгосын талаас 4 агаарын тээвэрлэгч 7 хоногийн нийт 38 удаагийн давтамжтай нислэг гүйцэтгэжээ. 2024 оны зуны нислэгийн батлагдсан цагийн хуваарьт оргил ачааллын үед Монголын талаас 2 агаарын тээвэрлэгч, Солонгосын талаас 4, агаарын тээвэрлэгч 7 хоногт нийт 54 удаагийн давтамжтай нислэг гүйцэтгэхээр төлөвлөсөн байна.
2024 онд Монголын талаас “МИАТ” ТӨХК 7 хоногт 4 удаагийн давтамжтай, “Изинис Эйрвэйз” ХХК 7 хоногт 2 удаагийн давтамжтай, Солонгосын талаас Эйрбусан компани 7 хоногт 2 удаагийн давтамжтай, Жежү Эйр компани 7 хоногт 3 удаагийн давамжтай Бусан чиглэлд тус тус хуваарьт нислэг гүйцэтгэхээр цагийн хуваариа батлуулжээ.
2024 онд шинээр Солонгосын “Аэро К” компани 7 хоногт 2 удаагийн давтамжтай, Монголын талаас “Изинис Эйрвэйз” ХХК 7 хоногт 2 удаагийн давтамжтай Чонжу чиглэлд тус тус хуваарьт нислэг гүйцэтгэхээр бэлтгэл ажлаа хангажээ.
Солонгосын “Твэй Эйр” компани Дэгү чиглэлд долоо хоногт 3 удаагийн давтамжтай зорчигч тээврийн хуваарьт нислэг гүйцэтгэхээр цагийн хуваариа батлуулсан бол “Хүннү Эйр” ХХК нь 2024 оны зуны нислэгийн үеэр Муан, Жежү чиглэлд захиалгат нислэг гүйцэтгэхээр төлөвлөжээ.
2023 оны Сөүл чиглэлийн нислэгийн давтамж 7 хоногт 38 байсан нь 2024 онд 7 хоногт 52 удаагийн давтамжтай нислэг гүйцэтгэхээр болсон нь 14 удаагийн давтамж нэмэгдсэн буюу 37%-аар өсчээ.
