Нүүр хуудасМэдээСургууль, цэцэрлэгийн цогцолбор ашиглалтад ороход бэлэн боллоо

Сургууль, цэцэрлэгийн цогцолбор ашиглалтад ороход бэлэн боллоо

Сургууль, цэцэрлэгийн чанар, хүртээмжийг сайжруулах ажлын хүрээнд Сүхбаатар дүүргийн 11 дүгээр хороонд улсын төсвийн  хөрөнгө оруулалтаар сургууль, цэцэрлэгийн цогцолбор барьж буй. Тэгвэл тус цогцолборын барилга угсралт, тохижилтын ажил дуусаж, ашиглалтад ороход бэлэн болжээ. Нийслэлийн Хөрөнгө оруулалтын газар захиалагчийн хяналт тавьсан энэхүү цогцолборыг “Улаанбаатар барилга” ХХК барьж, ашиглалтад өглөө.

Сургууль, цэцэрлэгийн цогцолбор нь 300 хүүхдийн хүчин чадалтай. Нийслэлийн ерөнхий боловсролын 131 дүгээр бага сургууль, 216 дүгээр цэцэрлэгийн цогцолбор байдлаар үйл ажиллагаа явуулах юм. Цогцолборын A блок нь цэцэрлэгийн зориулалттай, 120 хүүхэд суралцах бөгөөд стандартад нийцсэн анги танхим, ариун цэврийн өрөөг тохижуулжээ. Харин Б блокт 180 хүүхдийн хүчин чадал бүхий бага сургууль үйл ажиллагаа явуулахаар анги танхимыг бэлтгэсэн байна.

Тус цогцолбор ашиглалтад орсноор төрийн өмчийн сургууль, цэцэрлэгийн хүчин чадал нэмэгдэж, харьяа хорооны хүүхдүүдээ хүлээн авах боломж бүрдэх юм.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН