Хоёр талд хэвлэлийн хурал зарлаж, хэний Ардчилсан нам нь вэ? болтлоо хагарсан АН “Эв нэгдлийн их хурал”-аа хийх болсон тухайгаа мэдэгдлээ. Тэд их хурлаа ирэх 11 дүгээр сарын 5-нд болж, намын даргаа сонгох болсноо зарлаж байна.
Өнөөдрийн байдлаар Ардчилсан нам М.Тулгат, О.Цогтгэрэл гэсэн хоёр даргатай яваа. Харин өнөөдөр зөвшилцөлд хүрснээ ийн зарлаж их хурлаа ч товлосон гэнэ.
О.Цогтгэрэл: “Их хурлаар олонхийн санал авсан хүнийг намын даргаар сонгох бөгөөд ялсан болон ялагдсан тал хоёр биедээ хүндэтгэлтэй хандах болно”.
М.Тулгат: “Монголын төрд сөрөг хүчний дуу хоолой туйлын чухал байна. УИХ-д суудалтай, бүлэгтэй АН ул суурьтай, улс төрийн соёлтой сөрөг хүчин болохын тулд дотоод асуудлаа нэн даруй шийдвэрлэх ёстой. АН-д үүсэж байгаа, цаашид дахин үүсэж болзошгүй зөрчлийг ул үндсээр нь устгах системийн өөрчлөлтийн энэ Их хурлаар хийх ёстой” гэдгийг онцоллоо.
