УИХ-ын дэд дарга Б.Пүрэвдорж, УИХ-ын гишүүн Ц.Мөнхбат, Р.Сэддорж нар өвлийн эхэн сарын энэ өдрүүдэд тойрогтоо ажиллаж байна. Хулд сумын иргэдтэй уулзаж, цаг үеийн мэдээлэл хүргэн, санал хүсэлтийг нь сонслоо. Уулзалтын үеэр сумын удирдлагаас орон нутгийн өдөр тутмын үйл ажиллагаанд тулгамдаж буй хэд хэдэн асуудлыг танилцууллаа. Тухайлбал, сумын Засаг даргын Тамгын газар албаны автомашингүй байгаа, сумын төвийн авто замын асуудлыг шийдвэрлэх шаардлагатай байгааг онцолж, эдгээр асуудлаа УИХ-ын гишүүдэд албан бичгээр уламжилжээ.
Хулд сум нь хот хоорондын авто замын дагуу байрладаг сумдын нэг. Иймд авто замын засвар, арчлалт, үйлчилгээний хүртээмжийг сайжруулах, зам дагуух газар ашиглалт, дэд бүтэц зэрэг асуудалд онцгой анхаарах шаардлагатайг ярилцлаа






